விருச்சிகம்
உங்கள் ராசிக்கு 2 , 5 ஆம் அதிபதி குரு ராசிக்கு 10 ல் பெயர்ச்சியாகிறார்.
இது வரை இருந்தது மிக சிறந்த இடம், ஆனால் வரவிருக்கும் 10 இடம் குருவிற்கு உகந்த இடம் அல்ல.
தொழில்,வேலையில் மந்த நிலை, இழப்பு, இடமாற்றம், உழைப்பு அதிகம் - ஊதியம் குறைவு, மறைமுக எதிர்ப்பு சாதகமற்ற பலன்கள் ஏற்பட வாய்ப்புண்டு.
வேலையில் இருப்பவர்கள் உடன் பணி புரிவோர், நிர்வாகம், அதிகாரிகளால் பிரச்சனைகளை சந்திக்க கூடும், இடமாறுதல் குறித்த யோசனையை மற்றி கொள்வதும் , இருக்கும் வேலையை விடாமல் இருப்பதும் நல்லது.
சிலருக்கு குடும்பத்தினை பிரிந்திருக்கும் நிலை ஏற்படும், வெளிநாடு, வெளியூர் வேலை இதற்கு காரணமாக அமையும்.
பொருளாதார பின்னடைவு, பண தட்டுப்பாடு உடல், மன ரீதியான சோர்வும், மருத்துவ செலவும் அதிகரிக்கும்.
வீண் பழி, அவமானம் போன்றவைகளால் பொதுசேவை, அரசியலில் இருப்போருக்கு சில பின்னடைவுகள் ஏற்படும்.
புதிய திட்டங்கள்,முயற்சிகளை நன்கு ஆலோசித்து செய்ய வேண்டும். வழக்கு, போட்டிகளில் எதிரிகளின் கை ஓங்கியிருக்கும். நண்பர்கள், உறவினர்கள், சகோதர்களிடம் விவாதங்களை தவிர்ப்பது நலம்.
குரு ராசிக்கு 2, 4, 6 இடங்களை பார்வை செய்கிறார், அடிப்படை தேவைக்கான பண வரவு உண்டு, வாக்கு வன்மை கூடும். வீடு,நிலம்,வாகனம் போன்றவற்றின் பெயரில் கடன் கிடைக்கும்.
ஜனவரி 2016 வரை பொறுமையும், நிதானமும் கொண்டு கடந்திட பின் கலங்க வேண்டியதில்லை. உங்கள் பிறந்த ஜாதகத்தில் நல்ல திசா புக்தி நடைபெற்றால் தீமைகள் குறைந்து நன்மையான பலன்கள் நடைபெறும்.
2016 ஜனவரி - மே வரை குரு வக்கிரம் பெறும் காலம் தன வரவு, தொழில், வியாபரத்தில் மேன்மை போன்ற சாதகமான பலன்கள் நடைபெறும்.
ஏழரை சனி காலத்தின் பாத, ஜென்ம சனி காலம் நடந்து கொண்டிருக்க , குருவும் சாதகமற்ற நிலையில் இருப்பதால் குலதெய்வ வழிபாடு, வியாழக்கிமை குருபகவான் வழிபாடும். செவ்வாய்க்கிழமை திருசெந்தூர் சென்று முருகன் வழிபாடு செய்வதும் சிறந்த பலன்களை தரும்.
ஆஸ்ட்ரோ கண்ணன்
பரம்பரை ஜோதிடர்
9600553314
Email : astrorkannan@gmail.com
நெ.10. முத்து நகர் 2வது வீதி,
கொங்கு மெயின் ரோடு , திருப்பூர்- 641607.
No comments:
Post a Comment