மேஷ ராசி
உங்கள் ராசிக்கு 9,12 ஆம் அதிபதி இயற்க்கை மற்றும் ராசி சுபரான குரு சுப திரிகோண ஸ்தானமான 5க்கு வருவது மிக நன்மையான பலன்களை தரும் அமைப்பாகும், இனி வரும் ஓராண்டு காலம் உங்களுக்கு சாதகமான காலமாகும், அஷ்டமத்து சனியால் ஏற்படும் பதிப்புகள் குருவின் பலன்களால் வெகுவாக குறையும் உடல், மன ரீதியாக புத்துணர்வு பெறுவீர்கள், செயல்களில் வேகம் கூடும், தாமதம், தடைபட்ட காரியங்கள் விரைவில் நடைபெறும். திருமண முயற்சிகளில் வெற்றியும் கிட்டும். புதிய தொழில், வேலைக்கான முயற்சியில் இருப்போருக்கு சாதகமான பலன்கள் கிடைக்கும்,
குரு ஜென்ம ராசி, 9 , 11 இடங்களை பார்வை செய்வதால் மன குழப்பங்கள், சங்கடங்கள் நீங்கும், மன மகிழ்ச்சியும்,புத்துணர்வும் ஏற்படும்.வெளிநாடு செல்லும் முயற்சியில்இருப்பவர்களுக்கு வெற்றி கிட்டும், புண்ணிய ஸ்தலங்களுக்கு யாத்திரை செய்யும் வாய்ப்பும், குல தெய்வ , இஸ்ட தெய்வ வழிபாடுகளில் ஆர்வம் ஏற்படும். தெய்வ பலம் கூடும். வருமானம் அதிகரிக்கும், தன நிலை நன்றாக இருக்கும். திடீர் பண வரவிற்கும் வாய்ப்புண்டு, வீண் செலவுகள்குறைந்து வீடு, குடும்பம், குழந்தைகள், ஆன்மிகம் போன்றவற்றிக்கான சுப செலவுகளாக இருக்கும்,கணவன் மனைவி உறவுநிலை நன்றாக இருக்கும் கடன்கள் குறையும், உங்களின் அந்தஸ்து, மரியாதை, செல்வாக்கு, சொல்வாக்கு கூடும்.
2016 ஜனவரி- மே வரை குரு வக்கிரம் பெறும் காலம் கவனமாக செயல்படுவது நல்லது.
குல தெய்வ வழிபாடு, செவ்வாய்க்கிழமைகளில் முருகன் வழிபாடு செய்வதும், இயன்றவர்கள் திருச்செந்தூர் சென்று முருகனை வழிபடுவதும், ஆதரவற்ற குழந்தைகளுக்கு உணவளிப்பதும் சிறந்த பலன்களை தரும்.
ஆஸ்ட்ரோ கண்ணன்
No comments:
Post a Comment